Thursday, December 17, 2015

小表弟問我經濟係乜

免費早餐 - 渾水
小表弟問我經濟係乜
2015年12月16日
 我對現今教育制度脫節很多,大概是又到甚麼選科關口,故僅十五、六歲的小表弟有此一問。我自己讀經濟這條路只行了8年左右,暫時因搵食要被迫中斷,一定無兩位教授前輩咁熟,不過,都盡量解答。
答案可以有多個,問題係要用小表弟可理解的答案。如我答:「經濟學以成本自利推算人類行為的社會科學」、「經濟係queen of social science」咁係吹到好勁,但無乜意思,因為佢唔會明,因為當中要幫一些字詞定義又拆解,會沒完沒了太麻煩。
最後我個答案係最終極hea,因我判斷小表弟係因選科問題而咁問,故我答:「都係計下數、讀下理論、畫下圖咁囉。」原來你讀咗幾年的學科,突然要以一句簡單的說話去概括,係幾有難度。
小表弟追問:「讀經濟係咪會發達?」如我答係,我應該唔使再在這兒寫下去,因我完全讀錯了。而且有好多人辦俾大家參考,好似我咁,讀到本科,然後成為了冇乜用的廢青。廢青如我是一例,小表弟這一問的心路歷程我經歷過,大概佢有種誤解,覺得讀完經濟,投資會好勁。
現實是,經濟學家投資失利不計其數,印象中凱因斯和費沙都在金融市場損手,面臨破產邊緣,商品大王羅傑斯本科有3個major,其中之一是經濟,這又是另一例子。但就咁從經驗事實去睇,讀經濟同投資回報的關係應不大,但你要了解金融世界,不懂經濟又不行,故那些專業試如CFA都有部分是讀入門經濟學。
至於另一個小表弟的考慮當然是出路。其實做乜真係好難講,因我連帶我身邊的人都是騎騎呢呢,我是廢青這不用多說。
我有一位大學同房超級好兄弟,讀了5年經濟學,面臨被踢出校邊緣,是廢青中的廢青,現在幫屋企打理生意又炒股票,上個浪「符碌」賺了同學幾年人工咁囉。最多的是做保險,仲有好多銀行、記者、公關。走上學者之路不多,發夢入投行的很多,但入到的也不多。最近有位同學投靠建制,做區議員。故都講唔埋囉。
作者為九十後財經傳媒人、粗讀經濟學的偽文青   https://www.facebook.com/muddydirty...

No comments:

Post a Comment

電費平貴的Formula E 免費早餐: 徐家健

免費早餐: 徐家健 電費平貴的Formula E 2012-12-08 我本身係一個電車男,一年又一年親身到現場支持電動方程式賽車Formula E,係好合理嘅。說過了,合理的創新formula就是要好玩。從供應角度看,賽車與房車之間的技術轉移有互補作用,幾十年前...