Sunday, January 17, 2016

我真係投資緊一帶一路

免費早餐 - 渾水
我真係投資緊一帶一路
2016年01月15日
梁特在施政報告中多次提及「一帶一路」,結果惹來恥笑。
以事論事,當中的施政方針行錯方向,好似「一帶一路」這些大案當然是留給偉大的強國去處理,我哋最好支持一下好似毛記電視班「廢青」發揮本地創意。
梁特咁樣僭越強國,是政治不正確,一帶未有一路,政治生涯已見絕路,悲哉。
「一帶一路」係一個政治經濟概念,係國際關係的角力。依照強國的吹水速度,唔好話覆蓋南亞,唔好發夢唔好傻啦,你想靠個政府幫你做海外投資,不如靠自己啦。
最近我有幾位專業人士朋友有意在海外投資發展,項目涉及的是八位數字的投資,第一筆是七位數字。我身為顧問,當然伴隨其行,不過我是本著玩樂心態,平時工作時間太長,我當散心而已。
這個行程尚未結束,渾水中途見了很多專業人士、律師、會計師之類,交換了不少意見。這麼多次的會面,我得出了一個重點,就是當地的女律師非常索非常靚女,同行的夥伴也讚不絕口,當然我哋去邊就梗係唔話你知啦。整篇文的重點已完,無興趣可以看下一篇。
投資海外主要有幾個問題。第一,貪污唔知價,大抵在海外投資,貪污是一個must,但問題在於貪幾多?因為貪污都應該有一個價,而貪污背後提供的服務多是heterogeneous goods,涉及雙方的協調講價,高高低低很難拿捏,尤其是怕開錯頭,之後就俾人當水魚。
第二,就是法例問題,我哋投資的當地不喜歡外地人投資,所以公司法好奇怪,這類的處理涉及高昂的交易費用。
第三,就是資金控制,有一些國家明明自己黑錢當道,卻怕你匯錢用來洗黑錢,因此涉及複雜的KYC(know your customer),而且舉債麻煩。投資者是有錢,但資金都要短期周轉下,萬一有入無出又點算好呢?
如果政府真係有心發展一帶一路,花錢請人來讀書係毫無意義,就算用政府儲備花錢去投資都係效用不大。最好是真正同人搞雙邊協議,放鬆一些公司法、稅務優惠、會計和法律顧問服務的配套,咁先至係做實事嘛。我真係投資緊一帶一路,特首你係咪玩啊?
作者為九十後財經傳媒人、粗讀經濟學的偽文青 https://www.facebook.com/muddydirty...
逢周一至五刊出

No comments:

Post a Comment

當非理性除牌遇上技術性調整 徐家健 經濟3.0

2017年10月17日 徐家健 經濟3.0 當非理性除牌遇上技術性調整 一句「不要怕,只是技術性調整」,言下之意是大時代裏股民有時反應過敏,因此股價才需要技術性調整回復正軌。今屆諾貝爾經濟學獎得主塞勒(Richard Thaler),便是憑研究人類在市場上種種非...