Monday, January 11, 2016

金融才俊點睇女的Package

免費早餐 - 渾水
金融才俊點睇女的Package
2016年01月08日
呃like無極限,一早都話男女之事是花生主要來源,上一篇講演員游學修和華人置業(127)主席兼青年事務委員會主席劉鳴煒收視不錯。今期不妨調番轉個話題的主角,講講金融才俊點揀女生。
根據尊貴的議員所講,原來金融界和女生存在一種互動方式叫「洗頭艇」,渾水這些90後廢青比較新,不明所以,未能認識到尊貴議員飛虎出征的英姿,甚為可惜,所以渾水決定以「自己方式」去講一講金融人點揀女生。
最經典和最有哲理的金融佬揀女方式係要參考摩根大通(J.P. Morgan)行政總裁(CEO)所寫的《A reply from CEO of J.P. Morgan to a pretty girl seeking a rich husband》。
整個分析好簡單,男生付「錢」去買女生的「外在美」,這是自然市場的交換法則。
通常有錢的男人都比較精明,識計數,知道靚女的外在美不長久,為免「高位接貨」,所以都唔會去結婚。
我圈子認識的金融人偏向喜歡以錢解決問題,因為金融人喜歡確定性,不太願意冒險。不過,high risk先有high return,我覺得圈子金融友的女伴質素都一般,尤其是有關內在美方面。
《我係乜乜乜》其中一個港女講得好到位,佢直言自己揀仔係以一個package去睇,其實男生何嘗又不是以一個package去睇女生?
所謂的Package係指女生的樣、身材、內涵、學識之類,即外在美和內在美。我覺得可以外在美和內在美就好比有形資產和無形資產。有形的資產好像樣貌、身材會depreciate,因為風華不能絕代,年華總會老去;但無形的資產如內涵、氣質、性格、學識卻不會輕易被amortize,如果係好的商譽,甚至會慢慢增值添。
所以,散餐的男女互動當然睇有形資產,但長線發展就要睇無形資產。識玩一定係咁玩,一定係,除非唔係,否則都係。因此,如果港女投資外在美,注定遇到的多是playboy。
最後又是另一則反徵友廣告:開玩笑的偽徵友廣告,渾水估唔到真係有人約我食飯。實情是本人忙到無乜時間,而且一直與左手有良好互動,合作愉快,徵友一事暫時擱下,多謝各位。
作者為九十後財經傳媒人、粗讀經濟學的偽文青 https://www.facebook.com/muddydirty...

No comments:

Post a Comment

增加透明度打擊圍標 免費早餐: 梁天卓

免費早餐: 梁天卓 增加透明度打擊圍標 2017-08-16 競爭法實施了近兩年,競委會最近頻頻出擊。繼今年3月就一宗IT界的圍標案援引該條例入稟後,日前競委會再就大廈單位裝修涉嫌合謀定價向10間建築工程公司入稟,指涉案公司在為觀塘某公共屋邨提供裝修服務時涉嫌違反了...