Saturday, February 20, 2016

六號點都好過七號

免費早餐 - 渾水
六號點都好過七號
2016年02月19日
最近個市真係太差,冇乜deal好傾個市又無乜好講,反而行家多了講政治。大家都明白,政治這東西個個都可以講幾句,由維園阿伯到老左派吳康民都可以有自己見解,關鍵在於有幾高覺悟、對現狀的掌握和政治知識。呢排最多人講的就係到底新界東應該選六號的梁天琦定七號的楊岳橋?
六號同七號的爭議不是候選人問題,兩位都是值得尊敬的君子,非建制派的選民都一定大致認同。就算政綱上面的差異,都唔係話好大。投唔投佢哋反而係凸顯世代之爭、泛民同本土派之爭,以及最重要的係:到底應唔應該益周浩鼎?
Social Choice Theory有一個必讀的理論,就是Arrow’s impossibility theorem。呢個理論今次在新東選舉又再次印證。這個理論利用數學工具指出了一人一票同選出最優化社會偏好的一些矛盾同局限,四個基本假設unrestricted domain, non-dictatorship, Pareto efficiency和 independence of irrelevant alternatives不能共存。新東的例子,證明了這個理論中所描述的Pareto condition同independence of irrelevant alternatives是不能共存。
客觀來講,非建制派為了擋住周浩鼎,最優化的社會偏好是投楊岳橋,才能到達Pareto condition;但independence of irrelevant alternatives卻是假定支持者分別對楊、梁的偏好不變。現實問題是為了阻擋自己更討厭的人入局,只好犧牲自己首要想選的人。因此,這個定律很多時會被解讀成反一人一票的代議民主制。
理論的含意的確如此,但我們這一代真係好討厭泛民的犬儒同那種逼人「含淚投票」的威脅。政治候選人無論六號贏定七號贏,泛民點都要反思自己點解同年輕一代距離咁遠,一個人係唔可能長年含淚投票。講開又講,但如果用股票冧把去計,一隻係實力公用股,另一隻係陳年怪殼,點睇都係六號好過七號。
(編按:新界東其他候選人包括:劉志成、黃成智、梁思豪、方國珊。)
作者為九十後財經傳媒人、粗讀經濟學的偽文青 https://www.facebook.com/muddydirty...
逢周一至五刊出

No comments:

Post a Comment

在豉油的國度 免費早餐: 徐家健

免費早餐: 徐家健 在豉油的國度 2017-08-09 「啱啱收到消息,香港品牌李錦記斥資128億元購入倫敦芬喬奇街20號一幢外號『對講機』嘅商業大廈,打破英國歷來單幢商廈物業成交紀錄。今次交易可以證明到『有華人嘅地方就有自由』……呀……各位對唔住,應該係豉油唔係自...